IL-FLOTTA

GWIDA TAL-FLOTTA TAL-VAPURI

Il-Gozo Channel topera l-akbar flotta ta’ vapuri fil-gżejjer Maltin. Tliet vapuri li jaqsmu bejn Għawdex u Malta, iġorru aktar minn 3.3 miljun passiġġier fis-sena. Ir-rotta hija meqjusa bħala ‘linja ta’ ħajja’ għal Għawdex, kemm għall-attivita’ kummerċjali, kif ukoll għat-turisti u għall-vjaġġaturi ta’ kuljum.

Madwar 240 impjegat tal-Kumpanija huma dedikati biex it-traġitti bejn il-gżejjer ikun esperjenza mill-aktar pjaċevoli. Il-Kaptan jissorvelja l-ħidma kollha tal-bastiment mill-pont, li huwa ċ-ċentru tal-komunikazzjonijiet u tan-navigazzjoni tal-bastiment. L-Ewwel Uffiċjal jassisti lill-Kaptan fl-operat tal-bastiment, inklużi operazzjonijiet ta’ tagħbija u ħatt. Ħlief meta l-vapur jittrakka jew ikun f’żoni ristretti, il-manuvrar tal-vapur ġeneralment jitħalla f’idejn l-uffiċjal anzjan tal-gverta li jsegwi d-direzzjonijiet tal-uffiċjal tal-pont. Il-baħrin (AB u OS) jaħdmu fuq il-gverta, jidderieġu l-vetturi, jorbtu ċ-ċimi meta l-vapur jersaq mal-moll, iżommu għassa u jagħmlu ronda fuq il-bastiment biex jiżguraw is-sigurta’ kif ukoll it-tindif tal-bastiment.

Taħt il-gverta tal-karozza, hemm il-kamra tal-magna u ċ-ċentru tal-kontroll li huma mgħassa mill-inġinier ewlieni, li jieħu ħsieb it-tiswijiet u l-manutenzjoni tat-tagħmir mekkaniku u elettriku tal-bastiment. L-inġinier ewlieni u l-assistent inġinier jissorveljaw ukoll is-sistema kollha ta’ kontroll u f’xi każijiet, jikkontrollaw il-ħeffa tal-bastiment, skont il-kmand tal-Kaptan. Uffiċjal ieħor jassisti lill-inġiniera billi fiżikament jissorvelja it-tħaddim tal-makkinarju kollu, u b’ hekk jiżgura li kollox qed jaħdem b’mod tajjeb.

Huwa għalhekk ovvju li l-ħaddiema involuti fid-diversi kategoriji ta’ xogħol, jimxu ma’ standards professjonali stretti filwaqt li jiżguraw kompetenza u kordinament fil-ħidma tagħhom favur ambjent dinamiku.

Fleet Image Fleet Image

NIKOLAOS

L-isem Nikolaos huwa isem komuni mogħti bil-Grieg li jfisser “Victor of People”

  • Tip:
    Vapur RO-RO/tal-passiġġieri
  • Tul:
    95 m
  • Tunnellaġġ gross:
    4,212 tunnellata
  • Nru. Ta’ arbli:
    1
  • Karozzi:
    160
  • Passiġġieri:
    650 (Sajf)/350 (Xitwa)
  • Aċċessibilita’:
    Aċċessibbli għal persuni b’diżabilita’
Fleet Image Fleet Image Fleet Image Fleet Image Fleet Image

M.V. GAUDOS

L-isem ‘Gaudos’ ġej minn wieħed mill-ismijiet klassiċi ta’ Għawdex: Gaulos. Ir-Rumani kienu jsejħu wkoll lil Għawdex ‘Gaulum’.

  • Tip:
    Vapur tal-passiġġieri u tal-karozzi bi ftuh minn żewġ naħat.
  • Tul:
    85.40 m
  • Tunnellaġġ gross:
    4,893 tunnellata
  • Nru. Ta’ arbli:
    2
  • Karozzi:
    72
  • Passiġġieri:
    900
  • Aċċessibilita’:
    Aċċessibbli għal persuni b’diżabilita’
Fleet Image Fleet Image Fleet Image Fleet Image Fleet Image Fleet Image

M.V. TA’ PINU

Imsemmi għas-Santwarju famuż iddedikat lill-Madonna ta’ Pinu.

  • Tip:
    Vapur tal-passiġġieri u tal-karozzi bi ftuh minn żewġ naħat.
  • Tul:
    85.40 m
  • Tunnellaġġ gross:
    4,874 tunnellata
  • Nru. Ta’ arbli:
    2
  • Karozzi:
    72 u 66 oħra bl-użu ta’ gverta li titla’ u tinżel
  • Passiġġieri:
    900
  • Aċċessibilita’:
    Aċċessibbli għal persuni b’diżabilita’
Fleet Image Fleet Image Fleet Image Fleet Image Fleet Image

M.V. MALITA

L-isem ‘Malita’ ġej minn wieħed mill-ismijiet klassiċi ta’ Malta.

  • Tip:
    Vapur tal-passiġġieri u tal-karozzi bi ftuh minn żewġ naħat.
  • Tul:
    85.40 m
  • Tunnellaġġ gross:
    4,874 tunnellata
  • Nru. Ta’ arbli:
    2
  • Karozzi:
    72 u 66 oħra bl-użu ta’ gverta li titla’ u tinżel
  • Passiġġieri:
    900
  • Aċċessibilita’:
    Aċċessibbli għal persuni b’diżabilita’

Skip to content